Ru  Kz
Барлық жаңалықтар

Болашақ журналистер Aqjaiyq телеарнасының жұмысымен танысты

Болашақ журналистер Aqjaiyq телеарнасының жұмысымен танысты
Фото: БҚО әкімдігі

1 маусым – Балаларды қорғау күніне орай жас тілшілер Aqjaiyq телеарнасына экскурсия жасады, деп хабарлайды kazlenta.kz тілшісі Батыс Қазақстан облысы әкімдігінің баспасөз қызметіне сілтеме жасап.

Балаларды қорғау күні – тек мерекелік шаралармен ғана емес, сондай-ақ балалардың шығармашылығын, ой-өрісін дамытуға бағытталған мазмұнды кездесулермен де маңызды. Осыған орай 1 маусым күні Орал қаласындағы Оқушылар сарайының жанындағы «Журналистика» үйірмесіне қатысып жүрген 10-15 жас аралығындағы оқушылар үшін Aqjaiyq телеарнасына танымдық экскурсия ұйымдастырылды.

Экскурсияның басты мақсаты – балаларды бұқаралық ақпарат құралдарының жұмысымен таныстыру, шығармашылық қызығушылықтарын арттыру және тележурналистика саласына деген көзқарасын қалыптастыру болды.

Балаларды телеарнаның бас редакторы мен шығармашылық топ қарсы алып, студия тынысымен таныстырды. Жас тілшілер жаңалықтар қалай жазылады, телесюжеттер қалай түсіріледі, бейнематериалдар қайда өңделеді – барлығын өз көздерімен көріп, кәсіби мамандардың күнделікті еңбегіне куә болды.

Телеарна қызметкерлері эфир алдындағы дайындық, диктордың жұмысы, оператор мен режиссёрдің міндеті, сондай-ақ журналистік этика туралы кеңінен әңгімелеп берді. Экскурсия барысында балалар студиядағы нақты түсірілім процесін бақылап, теледидарда көріп жүрген танымал жүргізушілермен жүздесуге мүмкіндік алды.

Шара аясында балалар студия ішінде жаңалық жүргізіп көру, суфлёрмен жұмыс істеу және микрофонмен сұхбат алу секілді практикалық тапсырмаларды да орындап көрді. Осындай тәжірибе болашақ мамандығын таңдауға алғашқы қадамдардың бірі болуы мүмкін.

— Тележурналист болу оңай емес екен. Бірақ өте қызықты. Бүгінгі экскурсиядан көп нәрсе үйрендім. Болашақта мен де жаңалық жүргізгім келеді, — дейді 13 жастағы қатысушы Ернар Әли.

— Үйірмеде алған білімімізді нақты жұмыс барысынан көріп, білікті мамандармен тілдескеніміз біз үшін үлкен шабыт болды, — дейді тағы бір оқушы Айару Марат.

Экскурсия соңында қатысушыларға Aqjaiyq телеарнасының арнайы естелік сыйлықтары табысталып, бірлескен фото жасалды. Мұндай шаралар жас ұрпақтың медиа саласына қызығушылығын арттырып қана қоймай, ақпаратты сауатты қабылдап, талдай білуге баулиды.

Aqjaiyq телеарнасының ұжымы мен Оқушылар сарайының үйлестірушілері бұл бағыттағы жұмыстар алдағы уақытта да жалғасын табатынын атап өтті.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Димаш Құдайбергеннің жаңа әні ең көп тыңдалған топ-100 әннің қатарына енді
Актер Шәріп Серік қызды ұрды деп айыпталғаннан кейін мәлімдеме жасады
Валерий Меладзе Астананың сұлулығына таң қалды
Баян Алагөзова сәбилі болды
Қайрат Нұртас 15 тәулікке қамауға алынады
Мультимедиа
Мемлекет басшысы Қасым-Жомарт Тоқаев мәдениет және өнер қызметкерлерін марапаттау рәсімінде сөз сөйледі
Президент Қасым-Жомарт Тоқаев мемлекеттік наградалар, жоғары әскери және арнаулы атақтар, сыныптық шендер тапсыру рәсіміне қатысты
Елордада бірлік пен руханиятты ұлықтаған «Әз-Наурыз» мерекесі өтті
Мемлекет басшысы күштік құрылым қызметкерлерін марапаттады
2025 жылғы реформалар мен жаңа өзгерістер: Көлік министрлігі