«JASYL EL» экологиялық жастар жобасы биыл да елордадағы мыңдаған мектеп оқушысы мен студенттердің басын қосады. Жаңа еңбек маусымының ашылуы 27 мамыр күні сағат 17:00-де Амфитеатр алаңында өтеді, деп хабарлайды kazlenta.kz тілшісі Астана қаласы әкімдігінің ресми сайтына сілтеме жасап.
Бағдарлама 2005 жылдан бері жүзеге асырылып келеді және жастар арасында экологиялық мәдениетті, еңбекқорлықты, отансүйгіштікті дамытуға бағытталған. Биылғы маусымда елордада «JASYL EL» аясында 14 пен 35 жас аралығындағы 5200 қатысушыны жұмысқа орналастыру жоспарланып отыр. Қатысушылар мына бағыттарда еңбек етеді: - орман және коммуналдық шаруашылықтарда, - мектептердің, саябақтар мен скверлердің аумағында, - жасыл желектерді отырғызу және күтіп-баптау жұмыстарымен айналысады, - сенбіліктер мен қалалық іс-шараларға қатысады. Жастарға 64 564 теңге мөлшерінде жалақы және арнайы «JASYL EL» формасы беріледі. Кәмелет жасқа толмағандар Еңбек кодексіне сәйкес, денсаулығына зиян келтірмейтіндей түрде аптасына 5 күн, күніне 4 сағаттан артық жұмыс істемейді. Жоба тамыз айында аяқталған соң, еңбек маусымының жабылу салтанаты өтеді. Онда ең үздік белсенділер мен командирлер бағалы сыйлықтармен марапатталады.26-05-2025, 17:19
Форма, жалақы және еңбек тәжірибесі: Астанада 27 мамырда «JASYL EL» маусымы ашылады
Фото: Астана қ.әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз