Жамбыл облысында өз үйінен алтын бұйымдар ұрлаған азамат анықталды, - деп хабарлайды kazlenta.kz тілшісі Polisia.kz сайтына сілтеме жасап.
Т. Рысқұлов ауданында полиция қызметкерлері ірі көлемдегі ұрлық фактісін ашты. Құны 1, 8 млн теңгеден асатын алтын әшекейлерді ұрлаған күдікті – жәбірленушінің туған ұлы болып шықты. Тергеу барысында белгілі болғандай, 40 жастағы азамат әкесінен қаржылай көмек сұраған, алайда оның өтініші орындалмаған. Содан кейін ол туыстарының тойға кеткен сәтін пайдаланып, терезе арқылы үйге кіріп, әйелдер мен ерлерге арналған алтын бұйымдарды жасырын иемденген. Аталған дерек бойынша ҚР Қылмыстық кодексінің 188-бабы 3-бөлігі 3-тармағына (Ірі мөлшерде жасалған ұрлық) сәйкес сотқа дейінгі тергеу амалдары жүргізіліп жатыр. Күдікті өз кінәсін толық мойындап отыр. Қазіргі уақытта оқиғаға байланысты тергеу жалғасуда.14-05-2025, 16:49
Жамбыл облысында өз үйінен алтын бұйымдар ұрлаған ер адам анықталды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз