Түркістан облысында шетелдік көлікті заңдастырып беремін деп тұрғынды алдаған күдікті ұсталды, - деп хабарлайды kazlenta.kz тілшісі Polisia.kz сайтына сілтеме жасап.
Түркістан облысының Төлеби ауданында полиция қызметкерлері жедел-іздестіру шаралары барысында алаяқтық жасады деген күдікпен жергілікті тұрғынды қолға түсірді. Тергеу барысында күдіктінің Toyota Alphard автокөлігін Армения тіркеуінен шығарып, қазақстандық нөмірге ресімдеп беремін деп уәде бергені анықталды. Жәбірленушінің сеніміне кіріп, одан 500 мың теңге көлемінде қаражат алған. Алайда, ақшаны алған соң бір жылдан астам уақыт бойы байланысқа шықпай, уәдесінде тұрмаған. Полиция қызметкерлері күдіктінің мұнымен шектелмей, басқа да алаяқтық қылмысқа қатысы барын анықтады. Қазіргі таңда оның ісі сот қарауына жолданды. Аталған дерек бойынша тергеу амалдары аяқталып, іс құзырлы органға тапсырылды. Түркістан облыстық полиция департаменті тұрғындарды бейтаныс адамдарға сенбеуге, күмәнді ұсыныстардан сақ болуға шақырады.22-04-2025, 11:51
"Шетелдік көлікті заңдастырып беремін": Түркістанда полиция алаяқтыққа күдіктіні ұстады
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз