Көлік полицейлері Степногорск қаласында марихуана өсіретін фитозертхананы жойды. Ұйымдастырушы сотталды, – деп хабарлайды kazlenta.kz тілшісі Polisia.kz сайтына сілтеме жасап.
Көліктегі полиция департаментінің есірткі қылмысына қарсы іс-қимыл басқармасының қызметкерлері Ақмола облысы Степногорск қаласындағы пәтерлердің бірінде марихуана өсіретін фитозертхананы анықтап, жойды. Сот шешімімен 37 жастағы шетел азаматы 3 жылға бас бостандығынан айырылды. Еске салсақ, операция 5 ақпанда Көкшетау көлік прокуратурасының үйлестіруімен өтті. Тінту барысында жасанды өсіру жүйесінің элементтері, химиялық заттар, тұқымдар және есірткі заттарының белгілері бар бұталар табылып, тәркіленді. Тергеу нәтижесінде ер адам тұқымдарды мессенджер арқылы тапсырыс беріп, өсімдіктерді үй жағдайында өсіргені анықталды. Ол жасаған ісін мойындады, есірткі қолдану фактісі медициналық сараптамамен расталды. Ұсталған сәтте пәтерде оның кәмелетке толмаған бес баласы да болған.22-04-2025, 10:13
Ақмола облысында есірткі зертханасын ұйымдастырған азамат сотталды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз