ҚР Цифрлық даму, инновациялар және аэроғарыш өнеркәсібі министрі Асқар Жұмағалиев Алматы қаласына жұмыс сапарымен барып, цифрландыру бағытында жасалып жатқан бірқатар жұмыстармен танысты. Бұл жөнінде министр өзінің facebook-тегі парақшасында жазды.
«Қаланың цифрландыру тұрғысынан дамуы көңіл қуантады. Бұл бағытта жасалып жатқан жұмыстар тұрғындардың өміріне жайлылық енгізіп қана қоймай, қала инфрақұрылымының дамуына, сондай-ақ бюджет шығындарының төмендеуіне де өз септігін тигізетініне кезекті рет көз жеткіздім», - дейді министр.
Сонымен қатар, министр қаладағы оқушылар саны аз мектептер мен тәрбиеленушілері аз балабақшалардың да жайын жазған. Ол туралы құзырлы мекемелер жолдаманың жалпыға бірдей бөлінбеу себептерін анықтап, кезекке тұру мәселесімен күресіп, аталған мәселелердің алдын-алу керек. Бұл Big Data талдауларының нақты нәтиже бергенінің бір ғана көрінісі.
Осы ретте, Асқар Жұмағалиев жүзеге асып жатқан «Smart Data Ukimet» жобасының маңыздылығын атап өтті. Жалпы аталған жоба еліміздің цифрландырылған алдыңғы қатарлы дамыған мемлекеттермен терезе теңестіруге көп мүмкіндік береді.
Сондай-ақ, ол бүгінгі күнгі цифрландыру саласындағы нәтижелер мен алдағы 5 жылдықта жетуге болатын жетістіктерге болжам жасап, оның берер пайдасы жөнінде сөз қозғады.