Мемлекет басшысы Қасым-Жомарт Тоқаев жұмыс сапарымен Талдықорған қаласына келді деп хабарлайды президенттің баспасөз хатшысы Facebook парақшасында.
Жұмыс сапары барысында президент Алматы облысындағы бірқатар өндірістік, әлеуметтік және мәдени нысандарды аралайды деп күтілуде.
Өңірдің жұртшылық өкілдерімен, кәсіпкерлерімен кездесу, сондай-ақ, көктемгі егістік жұмыстарының барысымен танысу жоспарланған.
Сонымен қатар, Қасым-Жомарт Тоқаев "Айбалта-2019" стратегиялық командалық-штабтық оқу-жаттығуына қатысады.
Сурет: mygorod.kz