Алматыда заңсыз көше саудасына қарсы күрес белсенді түрде жүргізілуде. Бүгінгі таңда 341 стационарлық емес сауда нысаны (СЕСН) мен 239 күш өлшегіш құрылғы бұзылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл жұмыс қала әкімдігі бастамасымен, Ерболат Досаевтың тапсырмасы бойынша қолға алынған. Алматының түрлі ауданында ондаған СЕСН сүрілді: Алатау ауданында – 111, Әуезов ауданында – 67, Бостандық ауданында – 56 және т.б.Сонымен қатар, 32 капиталды құрылыс анықталып, олардың материалдары тиісті органдарға жіберілді. Қала тұрғындары көшелердің тазарып, кеңейе түскенін атап өтуде. Нысандарды сүру жұмыстары жалғасуда.