Алматыда мемлекеттік қор жерлерінде заңсыз орналасқан стационарлық емес сауда нысандарын (СЕСН) жаппай сүру жұмыстары жалғасып отыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бостандық ауданында фастфуд дүңгіршектері алынып тасталды, сондай-ақ Байтұрсынов көшесіндегі екі стационарлық емес сауда нысаны электр желісінен ажыратылды. Қазақфильм және Орбита-4 шағын аудандарында 49 дүңгіршек пен 59 силомер сүрілді.Ақпан айының басынан бері қалада 300-ден астам заңсыз нысан, оның ішінде тұрғындарға кедергі келтірген 222 шуы көп силомер жойылды.Қала әкімі Ерболат Досаевтың тапсырмасымен жүргізіліп жатқан бұл шаралар қалалық ортаны жақсартуға бағытталған. Тұрғындар бұл қадамды қолдайды, себебі көше дүңгіршектері мен ойын автоматтары көбінесе тротуарда орналасып, санитарлық нормаларды бұзады және шу тудырады. Қалған 210 нысан 15 наурызға дейін бұзылады