Ақмола облысында полиция ұрлық жасаған күдіктіні құрықтады, – деп хабарлайды kazlenta.kz тілшісі Polisia.kz сайтына сілтеме жасап.
18 қаңтарда Целиноград ауданының полиция бөліміне жергілікті тұрғыннан телефоны мен банктік қосымшасындағы ақшасының ұрланғаны туралы арыз түсті. Тергеу барысында анықталғандай, жәбірленуші досының үйінде түнеп, таңертең телефонының жоғалғанын байқаған. Кейін оның банктік шотынан жалпы сомасы 1 505 000 теңге көлемінде бірнеше аударым жасалғаны белгілі болды. Жедел-іздестіру шаралары нәтижесінде күдіктінің жеке басы анықталды. Ол жәбірленушімен бір үйде болған және түнде барлығы ұйықтағанын күтіп, оның телефонын иемденген. Үйден кетіп, кездейсоқ құпия сөз таңдау арқылы мобильді банкке қол жеткізіп, жәбірленушінің ақшасын өз картасына аударған. Қазіргі уақытта полиция бұл факт бойынша сотқа дейінгі тергеу амалдарын жүргізіп жатыр. Полиция кез келген жағдайда барынша сақ болуға, қарапайым сақтық шараларын естен шығармауға шақырады.31-03-2025, 12:40
Ақмола облысында полиция ұрлық жасаған күдіктіні құрықтады
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз