Биыл Алматы қаласының «Қайрат» шағын ауданында 260 орындық жаңа балабақша ашылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Былтыр №70 арнаулы бөбекжай-бақша іске қосылған болатын.Бұл Түрксіб ауданындағы білім беру инфрақұрылымын жақсарту бойынша ауқымды бағдарламаның бір бөлігі.
Ақпан айында №195 мектепке 450 орындық қосымша ғимараттың құрылысы аяқталды. Сондай-ақ, №50 мектепте сейсмикалық күшейту және күрделі жөндеу жұмыстары басталып, 2025 жылдың желтоқсанында аяқталады деп жоспарланып отыр. Бұдан бөлек, биыл тамыз айында №59 гимназия филиалының реконструкциялау жұмыстары аяқталады.Сонымен қатар, «Жайлы мектеп» ұлттық жобасы аясында 6100 орындық төрт жаңа мектептің құрылысы жүргізіліп жатыр.Білім беру мекемелеріндегі орын тапшылығын азайту жұмыстары жалғасып келеді.