Шымкент қаласында отбасылық-тұрмыстық зорлық-зомбылықтың алдын алу мен зардап шеккендерге көмек көрсету мақсатында полиция қызметкерлері үздіксіз жұмыс жүргізіп жатыр, – деп хабарлайды kazlenta.kz тілшісі Polisia.kz сайтына сілтеме жасап.
1 наурыз күні сағат 16:30 шамасында "102" арнасына Абай ауданы, Қайнарбұлақ саяжайындағы үйде жанжал болып жатқаны туралы хабар түсті. Оқиға орнына жеткен полиция қызметкерлері 1981 жылы туған азаматтың өзімен заңды некеде тұрған 1987 жылғы жұбайына дене жарақатын салғанын және отбасы мүшелерінің тыныштығын бұзғанын анықтады. Құқық бұзушы учаскелік полиция пунктіне жеткізілді. Сонымен қатар Шымкент қалалық полиция департаментінің отбасылық тұрмыстық зорлық-зомбылыққа қарсы күрес бөлімінің инспекторы жәбірленушілермен профилактикалық жұмыстар жүргізді. Қазіргі уақытта күдікті Шымкент ҚПД Абай аудандық полиция басқармасының анықтау бөліміне тапсырылды. Аталған дерек бойынша қылмыстық іс қозғалды. Бұл профилактикалық жұмыс отбасы мүшелерінің қауіпсіздігін қамтамасыз етуге, тұрмыстық зорлық-зомбылықтың алдын алуға және азаматтардың заңды құқықтарын қорғауға бағытталған.Кеше, 17:09
Шымкентте отбасылық жанжалқойға қатысты қылмыстық іс қозғалды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз