Елорданың Байқоңыр ауданында өрт қаупінің алдын алу шаралары белсенді жүріп жатыр, деп хабарлайды kazlenta.kz тілшісі Астана әкімдігінің ресми сайтына сілтеме жасап.
Байқоңыр ауданы әкімдігі мен Төтенше жағдайлар басқармасының қызметкерлері еріктілермен бірге аудан аумағындағы жеке тұрғын үйлерге профилактикалық жұмыстар жүргізді.Шара барысында өрт қаупін болдырмау мақсатында жеке сектор үйлеріне түсіндірме қағаздары таратылды. Рейдік жедел шара барысында барлығы 120 үй қамтылды. Сондай-ақ, 5 үйге улы газды анықтайтын арнайы дабыл қондырғысы орнатылды.Айта кетейік, жыл басынан бері Байқоңыр ауданындағы жеке сектор үйлеріне 157 арнайы дабыл қондырғылары орнатылды.Сонымен қатар, кезекті аралау барысында жеке сектор тұрғындарына су тасқынының алдын алу шаралары аясында да арнайы ескерту қағаздары таратылып, түсіндірме жүргізілді.Аталған өрт қаупінің алдын алу және су тасқынын болдырмау аясындағы жедел профилактикалық іс-шаралар жалғасуда.15-02-2025, 13:01
Астанада өрт қаупінің алдын алу шаралары белсенді жүріп жатыр
Фото: Астана қ.әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз