Мемлекет басшысы 2025 жылды «Жұмысшы мамандықтар жылы» етіп жариялады. Елордада осы бағытта түрлі шаруалар жүзеге асып келеді. Мәселен, Астана қаласы маңындағы №1 Индустриялық паркте орналасқан тігін өндірісімен айналысатын «ASTANA Ютария LTD» серіктестігі бар, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Тігін компаниясы бір жылда әр мамандыққа арналған 200 мың дана киім өндіруге қауқарлы.
«Индустриялық парк – өз өнімдерін шығаруға, тұрақты жұмыс орындарын ашуға, қаланың дамуына жеке инвестициялар тартуға мүмкіндік беретін елорданың басты өндірістік алаңы. №1 Индустриялық парктің өнеркәсіптік нысандарының инвестициялық портфелі шамамен 121 жобаны қамтиды. Оның ішінде 67 жоба толыққанды жұмыс істеп, 5 347-ден астам жұмыс орны ашылды», - дейді бас директордың технология және әзірлеме жөніндегі орынбасары Гүлнар Игембаева.