18 қаңтардан бастап №98 («Райымбек» метро бекеті – «Бай-Тал» ТҮК) бағытқа «City Bus» автопаркі сатып алған «Golden Dragon» маркалы 14 жаңа электробус шығады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл автобустар дыбыссыз, кондиционермен және бейнебақылау камераларымен жабдықталған.Автопарк директоры Данияр Байғабатов тағы 60 осындай көлік сатып алатындарын айтты. 2025 жылы әкімдік пен жеке тасымалдаушылар 800 газбен жүретін автобус және 260 электробус сатып алуды жоспарлап отыр.Бүгінде Алматыда күніне шамамен 1,6 миллион сапар жасалады. Көлік байланысын жақсарту үшін 2024 жылы қала маңына қатынайтын 20 жаңа маршрут ашылды.