Биыл ауданда көшелерді жарықтандыру жұмыстары қарқынды жүргізілді. 2023 жылы аудан аумағында 28 көше жарықтандырылса, биыл 192 көшеге жарық жүйелері жүргізілді, деп хабарлайды kazlenta.kz тілшісі Шымкент қаласы әкімдігінің баспасөз қызметіне сілтеме жасап.
Жыл соңына дейін бұл көрсеткішті екі жүз қырық төртке жеткізу жоспарлануда. Сондай-ақ ауданда тұрғындар өтінішіне сәйкес 15 орынға ирригациялық арық салынды. Жергілікті азаматтардың өтініші негізінде 43 балалар ойын алаңшасы орнатылып, 9 аулаға ашық спорт алаңдарының құрылысы жүргізілді.
Онымен қоса 5 елдімекенді табиғи газбен қамту жұмыстары басталды. «Халық қатысатын бюджет» жобасы аясында 5 демалыс орны салынып, тұрғындар игілігіне берілді. Сонымен қатар 3 көпқабатты үйдің қасбеттері безендіріліп, жарықтандырылды.