Алматыда 58 шақырым арық желісі салынды. Қалада дренаж жүйесін ауқымды жаңғырту жалғасуда, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жұмыстар «Таза Қазақстан» республикалық бағдарламасы және «Алматы – біздің ортақ үйіміз» қалалық науқаны аясында жүргізілуде. Мәселен, мегаполистің шығыс бөлігінде 15 көшеде 7,4 шақырым арық қайта жаңартылды, орталығында-ұзындығы 30,1 шақырым 67 көшеде арық пен нөсер кәрізі ауыстырылды, ал батысында — Алатау, Наурызбай және Әуезов аудандарында 20,5 шақырым арық салынды.Бұл өзгерістер қаладағы гидрологиялық жағдайды жақсартуға көмектеседі, әсіресе су басып қалу қаупі жиі болатын жерлерде. Мәселен, Полежаев көшесінде енді тротуарлар мен аулаларды, сондай-ақ Мақатаев пен Жұмалиев көшелерінің қиылысындағы үйлердің жолдары мен жертөлелерін жаңбыр мен су баспайды.27-11-2024, 12:34
58 шақырым жаңа арықтар: Алматы су басу мәселесін шешіледі
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз