25-30 қарашада «Таза Қазақстан» бағдарламасы және «Алматы – біздің ортақ үйіміз» қалалық науқаны аясында қалада ауқымды тазалау жұмыстары өтеді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Коммуналдық қызметтер көше-жол желісін, қоғамдық орындарды, өзен арналарын, арықтарды және көше урналарын тазартады. 800-ден астам техника мен 1400 жұмысшы жұмылдырылады. Санитарлық тазалау 2 318 көшені қамтиды.«Eco Almaty» ЖШС арық желісін және Үлкен Алматы өзендерінің арналарын (Әл-Фараби даңғылынан Сәтпаев көшесіне дейін), Есентай өзенін (Әл-Фараби даңғылынан Шевченко көшесіне дейін) және Д.Қонаев атындағы ҮАК тазартуға ерекше назар аударылады.Сонымен қатар, ұзындығы 3 км жолдарды орташа жөндеу және инженерлік желілер салынғаннан кейін учаскелерді асфальттау аяқталады.Бүгінде «Таза Қазақстан» бағдарламасының арқасында 2 мыңнан астам кәсіпкер абаттандыру паспорттарына қол қойды. Осы қадамдардың барлығы болашақта Алматы қаласының тұрғындары мен қонақтары үшін экологиялық жағдай жасауға мүмкіндік береді.26-11-2024, 12:47
Алматыда ауқымды тазалық жүргізу жарияланды
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз