Алматының Жетісу ауданында 9 көпбалалы ана «Алтын алқа» және «Күміс алқа» наградасының иегері атанды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Екі әйелге ең жоғары марапат – «Алтын алқа», ал жеті анаға «Күміс алқа» берілді.
«Алтын алқа» иегері Аяна Әлішева: «Біз тәрбиелеп отырған балаларымыз еліміз бен жерімізге қызмет етсе, бұл біздің мақсатымыздың орындалғаны», - деді.Гүлзана Халбекова, алты баланың анасы, «Күміс алқа» иегері: «Бейбіт еліміз мен көңілі дархан халқымыздың арқасында балаларымызды бейбітшілік пен келісімде тәрбиелей аламыз», деп ойын айтты.
Аудан әкімі Ләззат Жылқыбаева марапатталған аналарды құттықтап, ұрпақ тәрбиелеудегі еселі еңбегі мен қосқан үлесі үшін алғыс білдірді.Жетісу ауданында 2 940 көпбалалы ана тіркелген, оның 154-і «Алтын алқа», ал 305-і «Күміс алқа» алған. Көпшілігі білім беру, медицина және басқа да мемлекеттік және жеке құрылымдарда жұмыс істеп, қаланың дамуына зор үлес қосып келеді.