Елімізде соңғы 10 жылда сәби өлімі 32 пайызға төмендеді, деп хабарлайды kazlenta.kz тілшісі Zakon.kz сайтына сілтеме жасап.
Бұл перинаталдық орталықтардағы медициналық көмек сапасының жақсаруымен байланысты, дейді мамандар.Алматыда алғаш рет Неонотологтар конгресі басталды. Жиынға әлемнің жеті елінен жетекші мамандар қатысты. Шарада жаңа туған нәресте ағзасының түрлі инфекциялармен күресуі, қатерлі жүктілік кезінде сәбиді аман алып қалу жолдары айтылды.
Сондай-ақ шала туған шақалақты оңалту, оларға көрсетілетін алғашқы медициналық көмек түрлері ұсынылды. Жиын барысында отандық неонотология саласында ғылыми жобалар мен зерттеулер жүргізу, жаңа технологияларды тартудың тәсілдері де талқыланды, деп жазады qazaqstan.tv.
Қазіргі уақытта елімізде мыңнан аса неонатолог бар. Ал шалғай аудандарға әлі 80-нан аса дәрігер жетіспейді.
"Сапаны арттыру арқылы өлім көрсеткішінің төмендеуіне әсер етіп жатырмыз. Яғни орташа 4 промилле еуропалық көрсеткіштерге сәйкес. Бұл Орта Азия мемлекеттерімен салыстырсақ, ең төменгі көрсеткіш болып табылады. Жылдан жылға неонатолог мамандар медициналық университеттерден шығарылып жатыр."Бектұрған Қарин, Қазақстан акушер-гинекологтары мен неонатологтары конгресінің президенті