Алматыда «Даму бала» бағдарламасы бойынша секциялар мен үйірмелерге қатысуды бақылау үшін FaceID жүйесі енгізілуде, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қала әкімі Ерболат Досаев қызмет көрсетушілердің жауапкершілігін арттыру мәселелері бойынша кеңес өткізді. Арнайы мониторингтік топ мекенжайлардың нақты болмауы, қосымша төлем жинау және антисанитария сынды жеткізушілерде бұзушылықтарды анықтады. Міндетіне салғырт қараған жеткізушілердің ісі прокуратураға жіберілді.Қатысуды бақылау үшін енді Face ID енгізілмек, сол кезде нақты көрсетілген қызметке ғана төлем жүргізіледі. Бұл жүйе баланың сабақтағы уақыты мен орналасқан жерін көрсетеді, ал оны жүзеге асыруға қажетті шығын қала бюджетін өтеледі. Сондай-ақ жаттықтырушылардың біліктілігіне және ғимараттардың қауіпсіздігіне қойылатын талаптар жаңартылады6-09-2024, 18:06
Алматыда Face ID арқылы үйірмелерге қатысуды бақылау енгізіледі
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз