Алматыда Панфилов жаяу жүргіншілер көшесі жаңартылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қыркүйектен қарашаға дейін Қабанбай батыр көшесінен Жібек Жолы көшесіне дейінгі аумақта абаттандыру жұмыстары жүргізіледі. Мұнда жол жаңартылады, шағын сәулет нысандары орнатылады, бұталар отырғызылып, жасыл желектер көбейеді. Сондай-ақ, Жібек Жолы көшесінде жаңа модульдік полиция бекеті ашылады.Жаяу жүргіншілер көшесін қайта құру 2017 жылы жүргізілді. Серуендеу аймағының ауданы 1,4 км-ден асады.Мұнда түрлі воркаут-аймақтар мен ойын алаңдары, қолөнер дүкендері, инсталляциялар, заманауи және дәстүрлі өнер фестивальдері өткізіледі.Жүргізілген жұмыстардан кейін көше серуендеуге және мәдени іс-шараларды өткізуде таптырмас тамаша орынға айналады.29-08-2024, 12:30
Алматыда Панфилов жаяу жүргіншілер көшесі жаңартылады
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз