Алматыда көкөніс бағасын тұрақтандыру жұмысы жүргізілуде, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
"Алматы" ӘКК "Magnum Cash&Carry" ЖШС-мен әлеуметтік маңызы бар азық-түлік тауарларының төрт позициясын: картоп, сәбіз, пияз және қырыққабатты сатып алу бойынша қарыз шартына қол қойды. Бұл көкөністердің бағасын тұрақтандыру 2024 жылдың 1 қыркүйегінен 2025 жылдың 30 сәуіріне дейін күшінде болады. Ай сайын шекті баға белгіленеді. Бір келінің орташа шекті бағасы: сәбіз-171 тг, картоп - 168 тг, қырыққабат - 140 тг, пияз - 114 тг. Сатып алынатын көкөністердің жалпы көлемі шамамен 10 мың тоннаны құрайды және "Магнум" желісі арқылы төмендетілген бағамен сатылады. Сатушының сауда үстемесі 10%-дан аспайды. ӘКК 1 қыркүйекке дейін ЖҚТБ-ның 13 позициясының бағасын тұрақтандыруды жалғастырады: қарақұмық, рожки, күріш, күнбағыс майы, май, айран, сүт, сүзбе, тауық еті (аяқтар мен жамбас), сиыр еті, ұн, нан мен тұз.17-07-2024, 15:24
Алматыда көкөніс бағасын тұрақтандыру жұмысы жүргізілуде
![Алматыда көкөніс бағасын тұрақтандыру жұмысы жүргізілуде](https://kaz.kazlenta.kz/uploads/posts/2024-07/1200/1721211936_paprika-3212137_640.jpg)
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз