Абай облысының полициясы көлік құралдарын басқаратын балалардың қатысуымен болатын ЖКО-ның алдын алу жұмыстарын бастады, – деп хабарлайды kazlenta.kz тілшісі Polisia.kz сайтына сілтеме жасап.
Күннің жылуымен кейбір жүргізушілер мотоциклдерге, мопедтерге және скутерлерге көшті, көлік жүргізу дағдылары, қорғаныс құралдары жоқ көлік құралын басқаратын кәмелетке толмағандар ерекше алаңдаушылық туғызады, осылайша олардың өміріне және айналасындағыларға қауіп төндіреді.
Абай облысында соңғы 3 айда 1 124 ЖКО тіркелді. Нәтижесінде 284 адам зардап шегіп, 8 адам қаза тапты. Осыған байланысты бүкіл облыс бойынша “Мотоцикл” ЖПІШ жоспарланған. Оның шеңберінде полиция қызметкерлері рейдтік іс-шаралар өткізеді.
Бесқарағай ауданында жүргізуші куәлігі, рұқсат құжаттары жоқ, сондай-ақ мемлекеттік нөмірі жоқ мотоцикл жүргізген 17 жастағы кәмелетке толмаған баланы полиция қызметкерлері тоқтатты.
Жасөспірім және оның заңды өкілі жауапқа тартылды. Осыған ұқсас жағдай Семей қаласында орын алды, бұл жолы 15 жасар семейлік түнде патрульшілермен жарыс ұйымдастырған.
Кәмелетке толмаған мотоциклшілердің қатысуымен өтетін жолдардағы апаттылықты азайту мақсатында мұндай рейдтер Абай облысының аумағында жалғасын табады.