Астанада әйелі Салтанат Нүкенованы қинады және өлтірді деп айып тағылып отырған экс-министр Қуандық Бишімбаевқа қатысты сот отырысы жалғасып жатыр. Бүгінгі отырыс барысында прокурорлар Қуандық Бишімбаевтан жауап алуға кірісті, - деп хабарлайды kazlenta.kz тілшісі Tengrinews.kz сайтына сілтеме жасап.
Атап айтқанда, мемлекеттік айыптаушы Саяхат Нұрбеков Бишімбаевтан қамауға алынғаннан кейін өзіне қол жұмсау әрекеті болды ма деп сұрады, оған айыпталушы оң жауап берді.
"Құрметті сот, құрметті алқабилер, Бишімбаев қамауға алынған сәттен бастап бес ай бойы мен өзім процессуалдық прокурор ретінде тергеу изоляторы камераларында орнатылған бейнебақылау камерасын бақыладым. Сенсеңіздер, бес ай ішінде бірде-бір рет өзіңізге зиян тигізуге тырысқан жоқсыз. Неге сол күні куәгердің көзінше өзіңізге қол жұмсамақ болғандай жасанды әрекет жасадыңыз?", - деп сұрады мемлекеттік айыптаушы.
Еске салайық, бұған дейін іс бойынша куәгерлердің бірі 9 қарашада кешкісін Салтанат Нүкенованың өілімі белгілі болған кезде Бишімбаевтың қолында пышақ болғанын, оның дәретханаға қарай кеткенін айтқан болатын.
"Мен мұны сіз камерадан көріп, сосын мені тоқтатсын деп жасаған жоқпын немесе тергеу изоляторы қызметкерлері. Мен мұны жасасам нақыт болғанын, оны ешкім анықтамайтындай етіп жасауға тырыстым. Сондықтан, сіз оны көрген жоқсыз", - деп жауап берді Бишімбаев.