2024 жылдың 29 наурызында әйелі Салтанат Нүкенованы айуандықпен өлтірді деп айыпталған Ұлттық экономиканың бұрынғы министрі Қуандық Бишімбаевқа қатысты келесі сот отырысы басталды, деп хабарлайды kazlenta.kz тілшісі Zakon.kz сайтына сілтеме жасап.
Айта кетейік, Бишімбаевқа қатысты сот отырысы алқабилердің қатысуымен өтіп жатыр. Барлығы 12 алқаби бар.
Бүгін мәжіліс сағат 10:00 және 14:30-да екіге бөлініп отыр.
2024 жылдың 11 наурызында бірінші сот отырысы өтіп, онда мемлекеттік айыптаушы Қуандық Бишімбаевқа қатысты тергеудің нұсқасын жариялады. Айыптау қорытындысына сәйкес, кісі өлтіру болған күні (2023 жылдың 8 қарашасы) Қуандық Бишімбаев пен Салтанат Нүкенова елордадағы концерттердің бірінде болған. Олардың арасында жанжал туындады. Осыған қарамастан олар бірге мейрамханаға барған, ол жерде жанжал жалғасқан. Соңында бәрі Салтанат Нүкенованы ұрып-соғып өлтіруімен аяқталды.
27 наурызда Қуандық Бишімбаев өз кінәсін мойындаған жоқ. Ол "өз оқиғасын айтуға мүмкіндік болмады" деді.
Экс-министр Қуандық Бишімбаевтың ұсталғаны 2023 жылдың 9 қарашасында белгілі болды.