Алаяқ ақмолалық зейнеткердің депозитінен 2 млн теңге шешіп алған, – деп хабарлайды kazlenta.kz тілшісі Polisia.kz сайтына сілтеме жасап.
19 тамызда Сандықтау ауданының полиция бөліміне 73 жастағы тұрғыннан алаяқтық фактісі туралы өтініш келіп түскен.
11 тамыз күні зейнеткердің телефонына қоңырау келіп түскен, онда өзін жетекші банктердің бірінің қызметкері ретінде таныстырған белгісіз адам жәбірленушінің депозитінен ақша алған. Зейнеткер заманауи гаджеттердің жұмысын жақсы білмейтінін айтып, ал телефон арқылы қоңырау шалған адам депозитті қауіпсіздендіру үшін мобильді банкингте қандай әрекеттер жасау керектігін түсіндірген.
Күдікті құйтырқы әрекетімен егде жастағы азаматтың депозитінен екі миллион теңгені ақшалай қаражатқа аударып, содан кейін қолма-қол шығарып алған.
Осы фактіге қатысты полиция бөлімі ҚР ҚК-нің 190-бабы 2-бөлігі (Алаяқтық) бойынша сотқа дейінгі тергеу басталған. Күдіктінің жеке басын анықтау бойынша жедел-іздестіру іс-шаралары мен тергеу іс-әрекеттері жүргізіліп жатыр.