"Таза Қазақстан" республикалық акциясы аясында Ордабасы аудандық полиция бөлімінің қызметкерлері елді мекендердегі тазалық пен абаттандыру талаптарының сақталуына бақылау жүргізуде, - деп хабарлайды kazlenta.kz тілшісі Polisia.kz сайтына сілтеме жасап.
Мәселен полицейлер бір тәулік ішінде ортақ пайдаланылатын аумақтарды ластауға қатысты екі құқық бұзушылықты анықтады. Атап айтқанда, Темірлан ауылындағы Тәуке хан көшесінде екі тұрғын қораларынан шыққан қалдықтарын жол жиегіне шығарып, үйіп қойған. Біреуінде шамамен 1 тонна, екіншісінде 2 тоннаға жуық қи-тезек төгілген.
Полиция қызметкерлері құқық бұзушылықтар бойынша екі азаматқа әкімшілік шара көрді. Айта кетсек, тәртіп сақшылары тұрғындарға “Таза Қазақстан” акциясы аясында тұрғын үйлерінің алдына немесе көше бойына қоқыс тастамауды ескерткен. Сондықтан тұрмыстық және мал шаруашылығы қалдықтарын белгіленбеген орындарға шығармау қажет. Сондай-ақ өңір тазалығын сақтау бойынша профилактикалық жұмыстар жалғаса бермек.