ҚР Индустрия және инфрақұрылымдық даму министрлігі құзыретіне жаңа мемлекеттік қызметтер қосылды, деп хабарлайды kazlenta.kz.
Мәселен, геология, өнеркәсіпті дамыту, азаматтық авиация, құрылыс және тұрғын үй-коммуналды шаруашылығы салаларындағы мемлекеттік қызметтер тізіміне келесідей тармақтар енгізілді:
- шет елдерде қызметкерлердің құзыретін арттыруға арналған шығыстарға аванс төлеу;
- ұшқышсыз ұшу аппараттарын есепке қою;
- жер қойнауына геологиялық зерттеу жүргізуге лицензия беру;
- геологиялық немесе тау-кен учаскелерін (отвод) беру және қайта ресімдеу;
- Кеден одағының аясында геологиялық сынамаларды уақытша әкетуге рұқсат беру;
- жергілікті атқарушы органдардың тұрғын үй-құрылыс кооперативіне қатысу жөніндегі келісімшарттарды тіркеу;
- жекелеген санаттарға кіретін азаматтарға жеке тұрғын үй қорындағы баспананың жалға алу ақысын төлеу.
Қазір ҚР ИИДМ жаңа мемлекеттік қызметтерді көрсету тәртібін айқындайтын тиісті нормативті құқықтық актілерді қабылдау бойынша жұмысты қолға алды.
Бұл орайда осы амал сыбайлас жемқорлық тәуекелдерін алдын алуға септесіп, мемлекеттік қызмет көрсетудің ашықтығын қамтамасыз ететінін айта кеткен орынды.