23 маусымда Ақтау қаласындағы брифингте ҚМГ Басқарма Төрағасының орынбасары Дәулетжан Хасанов бастаған арнайы жұмыс тобының мүшелері «Өзенмұнайгаз» және оның мердігерлерін тексерудің қорытындысы жарияланды, деп хабарлайды kazlenta.kz тілшісі "Қазмұнайгаз" ҰК АҚ баспасөз қызметіне сілтеме жасап.
ӨМГ қаржылық-шаруашылық қызметіне талдау жүргізілгенде 118 бұзушылықтар мен сәйкессіздіктер анықталды: 7 факт құқық қорғау органдарына жіберілді, 10 мәселе бойынша қызметтік тергеу жүргізіліп жатыр, 101 мәселе бойынша жауапты адамдарға тәртіптік жаза қолданылады.
Алдын ала есеп бойынша, компанияға 47 млн теңге шамасында шығын келтірілген. 311 бригадалық сағатқа немесе 27,8 млн теңгеге уақыт нормаларының артуы, сондай-ақ, 69 млн теңгеге жұмыс көлемінің орындалмауы және т. б. фактілер анықталды.Оған қоса, тексеру барысында ішкі коммуникацияның реттелмеуі, өндіріс процесіндегі олқылықтар, белгіленген жоспардың тиісті уақытында орындалмауы, сатып алу мерзімінің кешіктірілуіне қатысты өрескел фактілер әшкереленді.