Түркістанда облыстық Терроризмге қарсы комиссияның кезекті отырысы өткізілді, деп хабарлайды kazlenta.kz.
Мәжіліске облыстық терроризмге қарсы комиссия аппаратының мүшелері және қала, аудан әкімдерінің жауапты орынбасарлары, құзырлы мекемелердің өкілдері қатысты.
Күн тәртібіне сәйкес, Созақ, Сауран аудандары мен Түркістан қаласының ТҚК жұмыс топтарының 2022 жылы атқарған жұмыстарының қорытынды есептері баяндады.
Түркістан облысында балалар мен жастардың жат ағымдарға қарсы иммунитетін қалыптастыруға, патриотизм мен ұлт жанашырлары ретінде тәрбиелеуге бағытталған іс-шаралар аясында «Жастар ресурстық орталығы» КММ-нің директоры Е.Бектаев хабарлама жасады.
Мәжіліс соңында, аудан, қалалық деңгейдегі ТҚК жұмыстарының сапасы жөнінде мәселелер талқыланып, терроризм мен діни экстремизмнің алдын алу бағытында оңтайлы шешімдер мен жүйелі шараларды үйлестіру жөнінде тапсырмалар берілді.