Ru  Kz
Барлық жаңалықтар

Қырғызстан мен Ресейден келген көліктерді қашықтан тіркеуден шығаруға бола ма?

Қырғызстан мен Ресейден келген көліктерді қашықтан тіркеуден шығаруға бола ма?
Фото: Tengrinews.kz/Тұрар Қазанғапов

ІІМ алғашында Ресей мен Қырғызстанда тіркелген көліктерді тіркеуден шығару қалай жүргізілетініне қатысты пікір білдірді, - деп хабарлайды Tengrinews.kz тілшісі.

Редакция Қазақстанның Ішкі істер министрлігіне шетелдік көліктерді заңдастыру тәртібіне қатысты сауал жолдады. Заңдастыру алдында автокөлікті басқа мемлекетте бұрынғы тіркеуден алып тастау керек. Алайда тіркеуден шығарылғаннан кейін нөмірлер мен тіркеу куәліктері алынып, транзиттік нөмірлер беріледі. Редакция көлік нөмірі алынып, қайта кірсе, 2022 жылдың 1 қыркүйегіне дейін Қазақстан аумағына кіргені қалай анықталатынын сұрады.

Ішкі істер министрлігінің баспасөз қызметі шетелдік көліктердің кіру күнін ҰҚК Шекара қызметінің немесе мемлекеттік кірістер органдарының деректер базасы анықтайтынын хабарлады. Бұл ретте мемлекеттік нөмір емес, көліктің VIN-коды ескеріледі. Процесс толығымен автоматтандырылған. Шекара қызметiнде немесе мемлекеттiк кiрiс органдарында көлiк құралын әкелу туралы ақпарат болмаған жағдайда, көлiк құралының Қазақстанда нақты болу күнi автосақтандыру полисiнiң алғашқы тiркелген күнiмен айқындалады.

Сонымен қатар, Ресей және Қырғызстанмен көліктерді қашықтан тіркеуден шығару мәселесі пысықталып жатыр.

"Бұл жұмыс ҚР ІІМ басшылығының бақылауында. Нәтижесі оң болса, халыққа бұқаралық ақпарат құралдары арқылы хабарланады. Осы уақытқа дейін көлік құралын өзге елде тіркеуден шығару иелерінің өздеріне жүктеледі. Айта кету керек, көлік құралын есептен шығару тіркелген елдің заңнамасы талаптарына сәйкес жүзеге асырылады", - деді ІІМ өкілдері.

23 қаңтар мен 20 ақпан аралығында 34 мыңнан аса көлік заңдастырылған. 77 мыңнан аса көлік алдын ала тексеруден өтіп, нөмірленген бірліктерді салыстырып, әрі қарай тіркеуге жіберілді.

Заңдастыру 2023 жылдың 1 шілдесіне дейін жалғасады.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Бүгін Димаш Құдайберген 30 жасқа толды
Димаш Құдайберген Ақтөбе облысының құтқарушыларына алғысын білдірді
Димаш Құдайберген жаңа бейнебаяны шыққанын сүйіншіледі
Димаш Құдайберген аты аңызға айналған опера әншісімен бірге ән айтты
Әлем жұлдыздары Астанада өткен Қысқы қайырымдылық балын қолдады
Мультимедиа
Ақордада су тасқынымен күреске белсене атсалысқан азаматтарды салтанатты түрде марапаттау рәсімі өтті
Мемлекет басшысы Қазақстан-Сингапур бизнес форумында сөз сөйледі
Марат Сұлтанғазиев су тасқынына қарсы іс-шараларға қатысқан әскерилерді марапаттады
Мемлекет басшысы Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясын өткізді
Олжас Бектенов Nazarbayev University ғылыми әзірлемелерімен танысты