Полицияның хабарлауынша, Алматы қаласының төрт тұрғыны өздерінің алаяққа алданып қалғандарын айтып, полицияға жүгінген. Құқық қорғау мамандары күдіктінің кім екенін анықтады. Олардың айтуынша, алаяқтық тізбегін 29 жастағы М.есімді азамат ойлап тапқан.
"Күдікті бірнеше ай бойы аңғал азаматтарды алдап келген. Оларға автоорталықтан кезексіз, жедел түрде және жеңілдетілген несиеге жаңа көлік алуға көмектесуге уәде еткен. Қазіргі уақытта күдіктінің осыған ұқсас төрт алдау дерегіне қатыстылығы дәлелденді. Олар келтірілген материалдық шығынды 3 млн теңгеге бағалаған. Алаяқтық дерегіне сәйкес, Қылмыстық Кодекстің 190-бабы 3-бөлігі бойынша сотқа дейінгі тергеу басталды", – дейді Наурызбай аудандық полиция басқармасының бастығы Данияр Меңдебаев.
Полицейлер алданған адамдардың бұдан да көп болуы мүмкін екенін жоққа шығармайды. Сондықтан тәртіп сақшылары төмендегі адамның әрекетінен зардап шеккен азаматтарды мына телефон нөмірлеріне хабарласуды сұрайды: 8-707-447-07-50 және 8-747-699-70-02.