Ақтөбеде қаласында ауладан жоғалып кеткен 4 жасар бала екінші күн іздестірілуде, деп хабарлайды ІІМ-нің Telegram-дағы POLISIA.KZ ресми жаңалықтар арнасы.
Айта кетейік, 28 желтоқсанында Ақтөбе қаласы Қазанғап көшесіндегі №59 үйдің ауласынан 2018 жылы туған Ахунов Данил Артурович жоғалып кеткен болатын. Қазіргі таңда баланы іздеу жұмыстарына полицияның кешенді күштерінің жасақтары, Ұлттық ұланның әскери қызметшілері мен еріктілер тартылған. Олар қараусыз қалған гараждар, саяжайлар, орман екпелері және жақын маңдағы су айдындары тексеріп шыққан.
Сүңгуірлер кәріз құдықтарын да тексерген. Алайда әзірге іздеу жұмыстары нәтиже бермеген. 4 жасар Данилдың белгілері: бойы шамамен 120 см, дене бітімі арық, шашы қоңыр түсті. Жоғалған күні үстінде капюшоны бар қызғылт сары түсті күрте, ашық-көк түсті тоқылған бас киім, аяғында көк түсті күдері аяқ киім болған. Полиция балақай жайлы қандай да бір ақпаратқа ие адамдардың барлығынан 102 нөміріне немесе 8771-785-1058 нөміріне хабарласуды сұрайды.
30-12-2022, 17:14
Ақтөбеде із-түзсіз жоғалған 4 жасар баланы іздеу жұмыстары жалғасуда
Егер мәтінде қате байқасаңыз, оны таңдап, Ctrl+Enter пернелерін басыңыз