РФ Иркутск облысы Ангарск қаласында мұнай зауытынан өрт шығып, жалын 2,5 мың шаршы метр аумақты шарпыған, деді бейсенбі күні қала мэрі Сергей Петров. Бұл туралы ҚазАқпарат ресейлік ТАСС-қа сілтеме жасап хабарлайды.
Өңір губернаторы Игорь Кобзев бес адамның зардап шеккенін мәлім етті. «Денсаулық сақтау министрлігінің мәліметінше, бес адам зардап шеккен. Біреуі ауруханада, төртеуі амбулаторлық ем алуға жіберілді. Ангар мұнай-химия компаниясының аумағында (АМХК) Төтенше жағдай комиссиясының отырысы өтіп жатыр. Бұдан бөлек жақын маңдағы үйлерде тексеріс жүргізіліп жатыр. Ештеңе зақымдалмаған», - деді ол.
Кобзевтің айтуынша, оқиға инфрақұрылым жұмысына ықпал етпеген, Ангарск тұрғындарына қауіп жоқ. Өрт жергілікті уақытпен 08:18-де өрт ауыздықталғаны, 10:59-да сөндірілгені хабарланды.