Қытайдың Хэнань провинциясындағы Аньян қаласындағы зауытта өрт шықты. Қайғылы оқиға салдарынан отыздан аса адам қаза тапты, деп хабарлайды KAZ.NUR.KZ-ке сілтеме жасаған kazlenta.kz.
Өрт Kaixinda Trading Co Ltd компаниясының зауытында шыққан. Қаза тапқандар саны 36 адамға жетіп, екеуі із-түзсіз жоғалды. Тағы екі адам жеңіл жарақатпен ауруханаға жеткізілді. Олардың өміріне қауіп төніп тұрған жоқ. Жергілікті БАҚ-тың хабарлауынша, өрт 21 қараша күні жергілікті уақыт бойынша сағат 16:22-де (Астана уақыты бойынша 14:22) басталған. Өрт тек сағат түнгі 23:00 кезінде (21:00 шамасында) ғана ауыздықталған. Өрттің шығу себебі әлі анықталған жоқ.
22-11-2022, 16:34
Қытайда зауыттағы алапат өрттен 30-дан астам адам қаза тапты
Егер мәтінде қате байқасаңыз, оны таңдап, Ctrl+Enter пернелерін басыңыз