Компания мәліметінше, бүгінде барлық мәселе шешіліп, ғаламдық бұзылыс қалпына келген.
"Біз мәселені шештік және ыңғайсыздық тудырғанымыз үшін кешірім сұраймыз. Қысқамерзімді ақау біздегі техникалық қателік салдарынан болды", - делінген компания мәлімдемесінде.
Айта кетелік, 25 қазанда әлемнің біраз еліндегі он мыңдаған қолданушы WhatsApp мессенджерінің істемей тұрғанын айтып, шағымданды. Қолданушылар хабарлама жібере алмай жатқандарын айтса, кейбіреулерде қосымшаның өзі қиындық тудырған. Мессенджер Қазақстанда да жұмыс істеген жоқ. Қазақстандықтар хабарлама жібере де, қабылдай да алмай, әуреге түсті. DownDetector мәліметі бойынша, негізінен Германия, Ұлыбритания, Нидерланд және Италия тұрғындарынан шағым түскен.