Өткен тәулікте Қарағанды облысының ТЖД бөлімшелері 3 адамды, оның ішінде бір баланы құтқарды.
16 маусым күні Қарағанды қасласы Сұрыптау станциясында қыз бала пәтерде жалғыз қалып, әжесіне есікті өздігінен аша алмайтыны туралы хабарлама келіп түсті. 12-ӨСБ өрт сөндіруші-құтқарушылары 3-ші қабаттың балконына үш иінді саты орнатып, пәтерге кірді. Жауынгерлер 7 жасар қызды үш иінді баспалдақпен эвакуациялап, әжесіне тапсырды.
Тағы бір оқиға Абай қаласында болды. Құтқарушыларға туыстарынан егде жастағы әйел есігін ашпайды және телефон қоңырауларына жауап бермейді деген хабарлама келіп түсті. Оқиға орнына келген №21 өрт сөндіру бөлімінің өрт сөндіруші-құтқарушылары балкон арқылы жылжымалы үш иінді баспалдақпен пәтерге кіріп, сыртқы есікті ашып, туыстарын кіргізді. 80 жастағы әйел ұйықтайтын бөлмеде болған және есік пен телефон қоңырауларын естімеген екен.
Қарағанды қаласында егде әйелге көмек қажет болды. Құтқарушылар пәтердің есігін ашып, медициналық жедел жәрдем бригадасын кіргізді.
Қауіпсіз жүргізілген авариялық-құтқару жұмыстарынан кейін жауынгерлер өз атына алғыс сөздерін естіді.