Ағымдағы жылғы 2 маусымда Жамбыл облысы ТЖД Өрт сөндіру және авариялық-құтқару жұмыстары кызметі Жедел құтқару жасағының құтқарушылары, "Зербұлақ" көлінде суға батып бара жатқан адамды құтқарды, деп хабарлайды kazlenta.kz.
Кезекшілік барысында, жасақ құтқарушылары көлдің ортасында суға батып бара жатқан ер адамды байқаған. Құтқару қайығының арқасында,олар тез арада суға батып бара жатқан адамға бет алып, үш құтқарушының біріккен күшімен судан ер адамды алып шықты.
Содан кейін ер адамға алғашқы медициналық және психологиялық көмек көрсетілді. Айта кету керек, ер адам мас күйінде болған.
Сонымен қатар, мына құтқарушылардың білікті және кәсіби іс-әрекеттерін атап өткіміз келеді: құтқарушылар Айдын Акипбаев пен Дәурен Нұрдәулетұлы, бас құтқарушы Шохан Кенжегулов, олар осы күні кезекшілікті атқарды.