Сарыағаш ауданындағы «Жібек жолы» шекара бақылап-өткізу бекетінен есірткі алып өтпек болған Өзбекстан Республикасының азаматы ұсталды, деп хабарлайды ҚазАқпарат-қа сілтеме жасаған kazlenta.kz
Күдікті Қазақстан Республикасына өтерде «Линда» атты ит белгі берген. Тәртіп сақшылары бірден тексеру жұмыстарын жүргізіп, күдіктінің аяқ киімінің ұлтарағына жабыстырылған қара түсті пакетке салынған есірткіге ұқсас затты тапты.
«Полиция қызметкерлері табылған айғақты затты тәркілеп, сараптама тағайындады. Зерттеу қорытындысы шетелдіктен алынған заттың «гашиш» есірткісі екені көрсетті. Қазіргі таңда күдікті қамауға алынды, сотқа дейінгі тергеу амалдары жүргізілуде» - делінген Түркістан облысы полиция департаменті таратқан хабарламада.