Мейрамхана маңында түнгі уақытта отшашу атқан Семей тұрғыны жауапқа тартылды, деп хабарлайды kazlenta.kz тілшісі Polisia.kz сайтына сілтеме жасап.
Жыл басынан бері Абай облысында пиротехникалық бұйымдарды пайдалану ережелерін бұзудың 12 дерегі анықталды. Соңғы оқиға 17 қазан күні сағат 23:36 шамасында Семей қаласындағы Шәкәрім даңғылында орналасқан мейрамханалардың бірінің маңында болған. Отшашудың шуына байланысты тұрғындар шағымданған.
Полиция қызметкерлері пиротехникалық бұйымдарды 24 жастағы жергілікті тұрғынның атқанын анықтады. Ол отшашуды мұндай мақсатқа арналмаған қоғамдық орында пайдаланып, айналасындағылардың тыныштығын бұзған және қоғамдық тәртіпті сақтамаған. Ер адам әкімшілік жауапкершілікке тартылды.