Алматыда ауқымды концерт кезінде қоғамдық тәртіпті, азаматтардың қауіпсіздігін және жол қозғалысын қамтамасыз ету күшейтілген режимде жүзеге асырылды, — деп хабарлайды kazlenta.kz тілшісі Polisia.kz сайтына сілтеме жасап.
Іс-шара өтетін аумақта, халық көп жиналатын орындарда және қаланың негізгі көлік магистральдарында полиция қызметкерлері мен Ұлттық ұланның әскери қызметшісі жұмылдырылды. Жол қозғалысын ұйымдастыруға, көлік кептелістеріне жол бермеуге, сондай-ақ Алматы тұрғындары мен қонақтарының қауіпсіз жүріп-тұруын қамтамасыз етуге ерекше назар аударылды. Барлық жұмылдырылған бөлімшенің үйлесімді жұмысының арқасында іс-шара тыныш, оқиғасыз және штаттық режимде өтті.
— Біздің басты міндетіміз – қала тұрғындары мен қонақтарының қауіпсіздігін қамтамасыз ету болды. Іс-шара барысында полиция қызметкерлері Ұлттық ұланның әскери қызметшілерімен бірлесіп, қоғамдық тәртіп пен жол жағдайын бақылауда ұстады. Барлық қызметтің үйлесімді жұмысының арқасында концерт тыныш әрі оқиғасыз, штаттық режимде өтті. Алматы тұрғындары мен қонақтарына тәртіп сақтап, түсіністік танытып, белгіленген талаптарды орындағаны үшін алғыс білдіремін. Мұндай ауқымды іс-шаралардағы қауіпсіздік – құқық қорғау органдары мен азаматтардың бірлескен жұмысының нәтижесі, — деп атап өтті Алматы қаласы полиция департаментінің бастығы Айдын Кабдулдинов.