Алматының Жетісу ауданындағы Кемел шағынауданында Қарасу өзенінің жағалауын күрделі жөндеу жұмыстары жалғасуда, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Бүгінде аумағы 6 гектардан асатын жер тегістелді. Өзен жағалауының 2,5 шақырымы габионды құрылымдармен нығайтылып, жүргінші жолдары төселіп, жүргінші көпірлері орнатылып, автоматты суару жүйесі жүргізіліп жатыр.
Бұған қоса, Коммунальная, Омаров, Тихов, Серіков және Шілдехана көшелерінде, сондай-ақ Айнабұлақ, Көкмайса және Кемел шағынаудандарында жаңа қоғамдық кеңістіктер мен демалыс аймақтары көркейтіліп отыр.
Жоба аясында көгалдандыру, тротуар салу, автоматты суару және сыртқы жарықтандыру жүйелерін орнату, орындықтар мен қоқыс жәшіктерін орналастыру көзделген. Сондай-ақ, бірқатар аумақта балалар және спорт алаңдары, шағын футбол алаңдары, баспалдақтар мен жүргіншілер көпірлері салынып жатыр.