Степногорск қаласында кәсіпкерлік бөлімінің қолдауымен зейнеткерлерге, мүгедектігі бар адамдарға және көпбалалы отбасыларға қолдау көрсету мақсатында әлеуметтік дүкен ашылды.
Дүкенде азық-түлік өнімдері мен күнделікті тұтынатын тауарлардың кең таңдауы төмендетілген бағамен ұсынылады. Сондай-ақ келушілерге қолайлы әрі қолжетімді жағдай жасауға ерекше көңіл бөлінген: ыңғайлы кіреберіс пен кең сауда қатарлары жабдықталған.
«Бүгін мен үшін ерекше қуанышты күн. Зейнетақым көп емес, сондықтан әрбір үнемделген теңгенің маңызы зор. Мұнда бағалар қолжетімді, қызметкерлері жылы жүзді, атмосферасы жайлы. Бізге қамқорлық көрсеткен барша азаматтарға алғысымды білдіремін. Осындай дүкендер қаланың басқа аудандарында да ашылса екен», – деді алғашқы келушілердің бірі, зейнеткер Константин Шевченко.
Ұйымдастырушылардың айтуынша, алдағы уақытта тауар түрлерін көбейту, қайырымдылық акцияларын өткізу, азаматтардың жекелеген санаттарына қосымша жеңілдіктер ұсыну және жергілікті өндірушілерді жобаға тарту жоспарланып отыр.