Алматы мектептерінде түлектерге аттестат тапсыру рәсімі аяқталды. 2026 жылы қалада 20 803 оқушы мектеп бітіріп, тағы 30 380 оқушы 9-сыныпты аяқтады, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Биыл 790 түлек «Алтын белгі» иегері атанды. Сондай-ақ 2 083 мектеп бітірушіге үздік үлгідегі аттестат табысталса, 9-сыныпты аяқтаған 2 168 оқушы үздік аттестатқа ие болды.
Оқу жетістіктерімен қатар түлектер қайырымдылық және экологиялық акцияларға белсенді қатысты. Олар әлеуметтік тұрғыдан осал отбасыларға қолдау көрсетіп, аумақтарды көгалдандыру жұмыстарына атсалысып, білім ордаларындағы ортаны жақсартуға бағытталған бастамаларға үлес қосты.