Қазақстан Республикасы Тәуелсіздігінің 30 жылдығына және Ақсай қаласы күні мерекесіне орай 24-26 қыркүйек күндері аралығында Ақсай қаласының «Қарашығанақ» спорт кешенінде Жасталап Санауовты еске алуға арналған каратэ турниры оздырылды. «Қарашығанақ Кубогы» Х халықаралық турнирі осымен оныншы мәрте ұйымдастырылып отыр. Турнир каратэ спортының дамуына өзіндік үлесін қосқан, ХДСШ, Қазақстан Республикасына еңбек сіңірген жаттықтырушы, халықаралық дәрежедегі төреші, қара белбеудің 8 дүркін иегері Жасталап Санауовты еске алуға арналды, деп хабарлайды kazlenta.kz.
Аталмыш турнирге Ақмола облысы, Түркістан облысы, Маңғыстау облысы, Жамбыл облысы, Алматы қаласы, Қапшағай қаласы, Қызылорда қаласы, Орал қаласы, Ақсай қаласының командалары қатысты.
25 қыркүйек күні жарыстың салтанатты ашылу рәсімі өтті. Ашылу салтанатына Бөрлі ауданы Ақсай қаласының әкімі Баяндыков Арсен Толқынұлы, «АксайГазСервис» АҚ президенті Мухамедьяров Арман Муратович, ҚР шито-рю каратэ-до федерациясының вице-президенті және мемлекеттік жаттықтырушы Досболов Набибулла Абуұлы, Жасталап Санауовтың жолдасы әрі Жасталап Санауов атындағы каратені дамыту қорының негізін қалаушы Хайрулла Гульайым Махатқызы, Бөрлі ауданының дене шынықтыру және спорт бөлімінің басшысы Исанов Армат Амангелдіұлы, «Батысмұнайстрой» Сервистік Компания ЖШС президенті Сарсенбаев Алибек Ануарбекұлы, «МонтажСтрой» АҚ жетекші инженері Прокопович Владимир Иванович, Бөрлі аудандық Қоғамдық кеңес мүшесі Утегенов Қайрат Уалиұлы, «Ақсайавтотранс» АҚ президенті Хасанов Идятулла Фазылұлы, «Экология» ЖШС директоры Закарян Арутюн Владимирович, Алматы облысының Қапшағай қаласының аға жаттықтырушысы Марат Арипов, Алматы облысының Боралдай қаласының аға жаттықтырушысы Оксана Поцелуева және Қазан қаласында өткен ТМД ойындарының каратэден күміс жүлдегері Ишманов Орынбасар қатысты.
Бөрлі ауданы Ақсай қаласының әкімі Баяндыков Арсен Толқынұлы жарыстың шымылдығын ашып, құттықтау сөз сөйледі. Спортшыларды жарыстың ашылуымен құттықтап, сәттілік тіледі. Өз кезегінде шақырылған қонақтар құттықтау сөз сөйлеп, тілектерін жеткізді және қатысушы командаларға сәттілік тіледі.
Жарыс қорытындысы бойынша жеңімпаздар мен жүлдегерлер арнайы алғыс хаттармен және бағалы сыйлықтармен марапатталды.