Батыс Қазақстан облысындағы Ақсай қаласының туған күніне орай Ақбұлақ ауылдық округінде "Алғабас" тауларында Бөрлі ауданы әкімдігінің қолдауымен, аудандық дене шынықтыру және спорт бөлімі және "Uralsk Runners” жүгірушілер клубының ұйымдастыруымен Қазақстан Республикасының Тәуелсіздігінің 30 жылдығы аясында ашық жүгіру марафоны өтті, деп хабарлайды kazlenta.kz.
Жарыстың ашылу салтанатына Бөрлі ауданының әкімі Миржан Мұнайдарұлы Сатқанов, Батыс Қазақстан облысының жеңіл атлетика федерациясының президенті, жарыстың бас төрешісі Тимур Тлепбергенұлы Жукушев, Жайық Моторс компаниясының директоры Бисенов Алтынбек, Uralsk Runners жүгірушілер клубының мүшесі Мухамбеткалиев Руслан, Атырау қаласынан келген қонақ Нұрғали Қалиев, Ақтөбе қаласының Iron Tulip триатлон командасы мүшесі Орынбасар Нұргүл қатысты. Бөрлі ауданының әкімі Миржан Мұнайдарұлы Сатқанов және Батыс Қазақстан облысының жеңіл атлетика федерациясының президенті, жарыстың бас төрешісі Тимур Тлепбергенұлы Жукушев жарысқа қатысушыларға сәттілік тіледі.
Аталмыш жарысқа еліміздің бірнеше облыстарынан 100-ден астам спортшы қатысты. Қатысқан командалар ішінде «Uralsk Runners» жүгірушілер клубы, «Aksai Runners» жүгірушілер клубы, Сырым ауданының «Sirim Runners» жүгірушілер клубы, Атырау қаласының жүгірушілер командасы, Ақтөбе қаласының жүгірушілер командасы және басқа аудан спортшылары бар.
Жарыс 200 метр қашықтықта, 4-5 км қашықтықта, 8-9 км қашықтықта ерлер және әйелдер арасында оздырылды.
Жарыс қорытындысы бойынша жеңімпаздар мен жүлдегерлер Бөрлі ауданының дене шынықтыру және спорт бөлімінің "Ақсай" мәдени-бұқаралық ұлттық ат спорт кешені дайындаған дәрежелі дипломдармен, медальдармен және ақшалай сыйлықтармен марапатталды.