Жаңа оқу жылында Алматының Алатау ауданындағы Зерделі шағынауданында 550 орындық жаңа мектеп ашылады, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Білім беру мекемесі 5-11 сынып оқушыларына арналған. Әр сыныпта 25 оқушыға дейін болады. Қазіргі уақытта нысанда іске қосу-баптау жұмыстары жүргізіліп, ұсақ ескертулер түзетіліп жатыр. Құрылыс жұмыстарын бір ай ішінде толық аяқтау жоспарланып отыр. Мектепте 22 оқу кабинеті, физика, химия және биология зертханалары, робототехника кабинеттері, компьютерлік сыныптар, мультимедиялық кабинет, кітапхана, медиатека, спорт және акт залдары қарастырылған. Сонымен қатар аумақта спорт және ойын алаңдары жабдықталып, көгалдандыру мен көріктендіру жұмыстары жүргізілген.19-05-2026, 17:07
Алматыдағы Зерделі шағынауданында жаңа мектеп ашылады
Фото: Алматы қаласы әкімінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз