– Шын мәнінде, бүгін – Жер күні. Осы орайда планетамызды қорғауға жауапкершілікпен қарайтынымызды тағы да бір мәлімдеу үшін бас қосып отырмыз.
Орнықты даму үшін ортақ көзқарас қалыптастыру – өзекті әрі аса маңызды. Мұны өңір елдері терең түсінеді.
Қазіргі экология тек климат мәселесімен шектелмейді. Бұл – адамзат тіршілігінің түп негізі. Яғни әңгіме таза ауа мен сапалы суға, бүлінбеген топырақ пен сенімді азық-түлік жүйесіне, қоғамның тұрақтылығына және ұрпақтың келешегіне қатысты болып отыр. Жалпы ақыл-ойдың тұнықтығы, қоғамдағы үйлесім мен адами бақыт та осыған саяды. Ал экология дегеніміз – Жер бетіндегі тіршілікке жауапкершілікпен қарайтын саналы өмір салты. Сондықтан бүгінгі саммит дер кезінде ұйымдастырылып отыр, – деді Қасым-Жомарт Тоқаев.
22-04-2026, 16:44
Тоқаев экологияны жаһандық тұрақтылықтың тірегі деп атады
Фото: Ақорда
Қасым-Жомарт Тоқаев Жер күніне орай өткен халықаралық саммитте экология мәселесіне кеңінен тоқталып, оны тек климатпен шектемеу керектігін мәлімдеді. Президенттің айтуынша, қоршаған орта – таза ауа, сапалы су, қауіпсіз азық-түлік пен қоғам тұрақтылығының басты кепілі. Мемлекет басшысы саммит қатысушыларына ілтипат білдіріп, халықаралық диалог алаңының маңызына тоқталды, деп хабарлайды kazlenta.kz тілшісі Ақордаға сілтеме жасап.
Егер мәтінде қате байқасаңыз, оны таңдап, Ctrl+Enter пернелерін басыңыз