8–10 қаңтар аралығында Қазақстан аумағының басым бөлігі ауқымды антициклонның ықпалында болады. Осыған байланысты елдің көп бөлігінде жауын-шашынсыз ауа райы күтіледі, деп хабарлайды kazlenta.kz.
Тек Қазақстанның батысы, солтүстік-батысы және солтүстігі атмосфералық фронтальды бөліктердің әсерінде қалып, бұл өңірлерде жаңбыр мен қар түріндегі жауын-шашын көктайғақ құбылыстары байқалады. Елдің солтүстігінде қар жауып, төменгі боран болжанады. Сонымен қатар республика бойынша тұман түсіп, жел күшейеді.
Алдағы күндері Қазақстан аумағында ауа температурасының біртіндеп жоғарылауы күтіледі:
Батыс өңірлерде түнде 8° аяздан 5° жылуға дейін, күндіз 3° аяздан 8° жылуға дейін;
Солтүстік-батыста түнде 5–20° аяз, күндіз 8° аяздан 1° жылуға дейін;
Солтүстікте түнде 7–15° аяз, күндіз 2–10° аяз;
Орталықта түнде 5–15° аяз, күндіз 0–6° аяз;
Шығыста түнде 10–20° аяз, күндіз 2–13° аяз;
Оңтүстікте түнде 7° аяздан 2° жылуға дейін, күндіз 1–14° жылу;
Оңтүстік-шығыста түнде 0–8° аяз, таулы аймақтарда 13–18° аяз, күндіз 3–12° жылу, таулы өңірлерде 3° аяздан 2° жылуға дейін болады.